اسلام آباد (مانیٹرنگ ڈیسک) پیپلزپارٹی کے مزید دو اہم رہنما تحریک انصاف میں شامل، تفصیلات کے مطابق تحریک انصاف نے پیپلز پارٹی کی دو وکٹیں گرا دی ہیں، بہاولنگر سے پیپلز پارٹی کے سابق ایم پی اے راؤ اعجاز علی خان اور راؤ حشمت اللہ پاکستان تحریک انصاف میں شامل ہو گئے ہیں، ان کی شمولیت کا باضابطہ اعلان بعد میں کیا جائے گا۔ ذرائع کا کہنا ہے کہ بہاولنگر کی سیاست میں بڑی تبدیلی آئی ہے،

پیپلز پارٹی کے راؤ اعجاز علی خان اور راؤ حشمت علی نے تحریک انصاف میں شمولیت اختیار کرنے کا فیصلہ کیا ہے، واضح رہے کہ راؤ اعجاز علی خان پیپلز پارٹی کی طرف سے 2002 سے 2007 تک ایم پی اے بھی رہ چکے ہیں اس کے علاوہ وہ بہاولنگر میں پیپلز پارٹی کے ضلعی صدر بھی رہے ہیں، پاکستان تحریک انصاف کی اعلیٰ قیادت کی بہاولنگر آمد کے موقع پر ان کی شمولیت کا باضابطہ اعلان کیا جائے گا۔ ‎