اسلام آباد (آئی این پی) وزیر اعلیٰ پنجاب میاں محمد شہباز شریف اور سابق وزیر داخلہ چوہدری نثار علی خان کے درمیان ٹیلی فونک رابطہ ہوا، جس میں ملکی صورتحال ،مسلم لیگ (ن) کے معاملات سمیت دیگر امور پر تبادلہ خیال کیا گیا۔ ذرائع کے مطابق دونوں رہنماؤں کے درمیان ٹیلی فون پر رابطہ گزشتہ روز جمعہ کو ہوا تھا،
جس میں وزیراعلیٰ پنجاب شہباز شریف اور سابق وفاقی وزیر داخلہ چوہدری نثار علی خان نے ملکی صورتحال، مسلم لیگ(ن) کے معاملات، بعض پارٹی رہنماؤں کے غیر ذمہ دارانہ بیانات پر تبادلہ خیالات کیا۔ ذرائع کے مطابق آئندہ چند روز میں وزیر اعلیٰ پنجاب شہباز شریف اور چوہدری نثار علی خان کے درمیان اہم ملاقات بھی ہو گی۔
