اسلام آباد (مانیٹرنگ ڈیسک) تحریک انصاف کے چیئرمین عمران خان کی سابق اہلیہ ریحام خان اور تحریک انصاف کے مراد سعید میں کچھ عرصہ سے الفاظ کی جنگ جاری ہے، عمران خان کی سابق اہلیہ ریحام خان نے آج پر مراد سعید پر لفظی حملہ کیا، سوات سے منتخب رکن قومی اسمبلی مراد سعید کے سوات کے دورے کی تصاویر کسی نے ٹویٹر پر شیئر کیں اور اپنی ٹویٹ میں لکھا کہ پی ٹی آئی کے ٹائیگر اور قومی اسمبلی کے حلقہ این اے 29 سوات سے منتخب رکن اسمبلی
مراد سعید اپنے حلقے کا دورہ کر رہے ہیں۔ ریحام خان نے یہ تصاویر دیکھیں تو وہ بھی پیچھے نہ رہیں اور اپنے ٹویٹ میں طنزاً کہا کہ کیا یہ واقعی مراد سعید کا حلقہ ہے؟ کیا اسے اپنے حلقے کے راستوں کا علم ہے بھی ہے؟ کیا مراد سعید کو آسانی سے راستہ مل گیا تھا؟ عمران خان کی سابقہ اہلیہ ریحام خان کا یہ ٹویٹ تو یہ ظاہر کرتا ہے کہ مراد سعید اپنے حلقے میں بالکل جاتے ہی نہیں ہیں۔ ریحام خان کے اس ٹویٹ پر تحریک انصاف سوات کے کارکنوں نے غصے کا اظہار کیا ہے۔
