لاہور(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی عارف حمید بھٹی نے دعویٰ کیا ہے نواز شریف کی جانب سے مسلم لیگ(ن) کا صدر بنانے کیلئے مریم نواز کے نام کی تجویز پر شہباز شریف نے استعفے کی دھمکی دی ہے۔(ن) لیگ میں اندرونی اختلافات عروج پر پہنچ گئے ہیں۔ عارف حمید بھٹی کا کہنا تھا کہ (ن) لیگ کے پارلیمانی اجلاس میں نواز شریف کی جانب سے
تجویز دی گئی ہے کہ پارٹی کا صدر مریم نواز کو بنا دیا جائے۔ نا اہل سابق وزیر اعظم کی اس تجویز پر (ن) لیگ کے کئی رہنما انتہائی نا خوش دکھائی دیئے اور وزیر اعلیٰ پنجاب شہباز شریف نے بھی خاصی برہمی کا اظہار کیا۔ شہباز شریف کا اس موقع پر کہنا تھا کہ اگر ایسا ہوا تو وہ وزارت اعلیٰ سے استعفا دے دیں گے، شہباز شریف کی دھمکی کے بعد نواز شریف کو اپنی تجویز واپس لینی پڑی۔
