لاہور(مانیٹرنگ ڈیسک) نااہل سابق وزیراعظم نواز شریف کی عدلیہ مخالف تقاریر کا معاملہ توہین عدالت تک چلا گیا اور اب نواز شریف کی میڈیا کوریج پر پابندی کے لئے درخواست دائر کردی گئی۔تفصیلات کے مطابق سابق وزیر اعظم نواز شریف کی میڈیا کوریج پر پابندی کیلئے لاہور ہائی کورٹ میں درخواست دائر کردی گئی ہے۔درخواست اظہر صدیق ایڈووکیٹ کی جانب سے دائر کی گئی ہے۔دائر درخواست میں موقف اپنایا گیا ہے کہ نواز شریف جلسے

جلوس میں عوام کو سپریم کورٹ کے خلاف اکسا رہے ہیں، نواز شریف کے بیانات سے ملک میں انتشار پھیلنے کا خدشہ ہے۔درخواست گزار نے استدعا کی ہے کہ عدالت الطاف حسین کی طرح نواز شریف کی تقاریر ، بیانات اور تصاویر کی میڈیا پر پابندی کا حکم جاری کرے۔واضح رہے کہ نواز شریف نے ریلی کے دوران اجتماع سے خطاب کرتے ہوئے سپریم کورٹ کے ججز کو تنقید کا نشانہ بنایا تھا اور الزام عائد کیا کہ عوام کے ووٹ کا تقدس پامال کیا گیا۔

موضوعات:نواز شریف