کوئٹہ(این این آئی) جمہوری وطن پارٹی کے سربراہ نوابزادہ شازین بگٹی نے اہل وطن کو جشن آزادی کی مبارکباد دیتے ہوئے کہا ہے کہ آزادی ایک بہت بڑی نعمت ہے ہمیں اسکی قدر کرنی چاہئے۔ یہ بات انہوں نے پیر کو بگٹی ہاؤس کوئٹہ میں پاکستان کے 70ویں یوم آزادی کے موقع پر 200پاؤنڈ وزنی کیک کاٹنے کی تقریب کے بعد صحافیوں سے مختصر بات چیت کرتے ہوئے کہی۔ انہوں نے کہا کہ آج ملک بھر کی طرح

بلوچستان میں بھی عوام جوش و خروش سے پاکستان کا 70واں یوم آزادی منارہے ہیں صوبے بھر میں ریلیاں نکالی جارہی ہیں جمہوری وطن پارٹی نے جشن آزادی کے موقع پر نکالی جانے والی ریلی گزشتہ روز خود کش دھماکے میں شہید ہونے والے افراد کے اہل خانہ سے اظہار یکجہتی کیلئے ملتوی کردی۔ اس سے قبل نوابزادہ شازین بگٹی ،صالح آغا اوردیگر رہنماوں نے پاکستان کی 70ویں سالگرہ کے موقع پر 200پاؤنڈ وزنی کیک کاٹا