اسلام آباد(مانیٹرنگ ڈیسک)نواز شریف کے خون اور سرشت میں بیوفائی شامل ہے، نواز شریف کا انقلاب سب سے پہلے انہی کو کھائے گا، عوامی مسلم لیگ کے سربراہ شیخ رشید کا مریدکے میں نواز شریف کی تقریر پر سخت ترین ردعمل ۔ تفصیلات کے مطابق نجی ٹی وی اے آر وائی سے گفتگو کرتے ہوئے عوامی مسلم لیگ کے سربراہ شیخ رشید احمد نے اپنے سخت ترین ردعمل میں کہا کہ نواز شریف جس
انقلاب کی بات کر رہے ہیں وہ لانے کی ان میں سکت نہیں ، نواز شریف کا انقلاب سب سے پہلے انہی کو کھائے گا۔ ان کا کہنا تھا کہ یہ وفا نبھانے کی بات کرتے ہیں ان کی تاریخ بیوفائی سے بھری پڑی ہے۔ نواز شریف کے خون اور سرشت میں بیوفائی ہے۔ یہ چور لٹیرے ملک کو لوٹ کر کھا چکے ہیں اور اب انقلاب کی باتیں کر رہے ہیں۔ان کو ہمیشہ برے وقت میں انقلاب کیوں یاد آتا ہے۔
