اسلام آباد(مانیٹرنگ ڈیسک) نجی ٹی وی پروگرام سے گفتگو کرتے ہوئے مسلم لیگ(ن) کے سینئر رہنما ظفر علی شاہ نے کہا ہے کہ مجھے ایسا لگتا ہے کہ نواز شریف جیسے جیسے لاہور پہنچ رہے ہیں ان کا پارہ چڑھتا جا رہا ہے اور ان کی تقریر میں ایسے زمرے آتے جا رہے ہیں جو عوام کو مشتعل کر رہے ہیں۔ آئینی اداروں اور سپریم کورٹ سے متعلق اتنی جارحانہ
گفتگو کی جا رہی ہے جو نہ سنی جا سکتی ہے اور نہ ہی اسے برداشت کیا جا سکتا۔ سینیٹر ظفر علی شاہ نے کہا کہ مجھے ڈر ہے کہ کہیں شہباز شریف کو ہی ڈی سی او لاہور کو حکم نہ دے دیں کہ نواز شریف کو 3 ایم پی اے کے تحت نظر بند کر دیا جائے۔ یہ بات انتہائی ناقابل برداشت ہے کہ آپ عوام کو براہ راست سپریم کورٹ کیخلاف مشتعل کریں۔
