اسلام آباد(مانیٹرنگ ڈیسک)نواز شریف کی ریلی میں شرکا کی تعداد بـڑھانے کیلئے پٹواریوں اور تحصیلداروں کو خصوصی ہدایات جاری کی گئیں، قیمے والے نان اور بریانی کا بھی انتظام تھا جب کہ اس پیکیج میں گاڑی چومنا بھی شامل تھا، ہماری قوم بھی عجیب ہے کہ ایک پلیٹ بریانی پر بک جاتی ہے، معروف کالم نگار اور اینکر آفتاب اقبال نے نجی ٹی وی پروگرام میں گفتگو کرتے
ہوئے کہا ہے کہ میاں نواز شریف کی گاڑی چومنے والوں کیلئے خـصوصی پیکیج دیا گیا تھا جبکہ استقبالیہ کیمپوں میں بھی لوگوں کیلئے قیمے والے نان اور بریانی کا وافر انتظام کیا گیا تھا۔ ان کا کہنا تھا کہ الیکشن والے دن بھی ہماری بدنصیب قوم ایک پلیٹ بریانی پر بک جاتی ہے۔اور آج بھی یہ لوگ میاں نواز شریف کی ریلی میں اپنی زندگیاں دائو پر لگائے ہوئے ہیں۔ آفتاب اقبال کا کہنا تھا کہ میں اس حوالے سے مکمل متفق ہوں کہ نواز شریف کی ریلی میں آنے والے لوگ رینٹ میں لائے گئے ہیں۔ ان کا کہنا تھا کہ کیا یہ وہی لوگ ہیں جو 12اکتوبر والے دن بیگم کلثوم نواز کی ریلی میں شامل تھے ، آپ اگر دیکھیں تو آپ کو پتہ چلے گا ایک بھی چہرہ شناسا نہیںاور جو شناسا چہرے ہیں وہ پٹواریوں اور تحصیلداروں کے نظر آئیں گے۔ جی ٹی روڈ کے کنارے تمام سرکاری دفاتر کو آرڈرز ہیں کہ دفتری اوقات کے بعد ہی دفاتر کھلے رکھے جائیں اور ریلی میں زیادہ سے زیادہ شرکا لائے جائیں۔انہوں نے اس حوالے سے مزید کیا کہا۔۔ویڈیو ملاحظہ کریں!
