اسلام آباد (مانیٹرنگ ڈیسک) نااہل وزیراعظم نواز شریف نے گھر جاتے جاتے پاور شو دکھانے کا تہیہ کرتے ہوئے اسلام آباد سے لاہور بذریعہ جی ٹی روڈ جانے کا فیصلہ کیا۔ اس موقع پر ریلی کے شرکاءکی تعداد پر سب کی نظریں مرکوز ہیں تاہم تعداد کے بارے میں مسلم لیگ (ن) کے دعوﺅں اور تجزیہ کاروں کی رائے میں کافی تضاد پایا جاتا ہے۔

تفصیلات کے مطابق نااہل سابق وزیراعظم نوازشریف گزشتہ روز جب اسلام آباد کے پنجاب ہاﺅس سے راولپنڈی کے پنجاب ہاﺅس میں پہنچے تو اس موقع پر مسلم لیگ (ن) نے دعویٰ کیا کہ ان کے کارکن لاکھوں کی تعداد میں تھے جبکہ غیرجانبدار ذرائع نے دعویٰ کیا ہے کہ یہ تعداد 40 ہزار سے زائد نہ تھی جبکہ پی ٹی آئی نے دعویٰ کیا کہ یہ تعداد 12 ہزار کے لگ بھگ تھی۔