راولپنڈی (آئی این پی)راولپنڈی سے نکلتے ہی سابق وزیراعظم نواز شریف کے قافلے نے اپنی رفتار سو میل فی گھنٹہ تک بڑھا دی، سیکیورٹی خدشات کے باعث آخری وقت میں فیصلہ کیا گیا کہ قافلے کی رفتار کو بڑھایا جائے، اس وجہ سے نواز شریف کا کچہری چوک راولپنڈی چوک کا عوامی خطاب بھی ملتوی کر دیا گیا، جلد از جلد اپنے اگلے پڑائو جہلم پہنچنے کیلئے پلان میں تبدیلی کی گئی، نواز شریف راستے میں

لگائے استقبالی کیمپس پر بھی نہ رکے۔ جمعرات کو راولپنڈی کے کچہری چوک سے نکلتے ہی سابق وزیراعظم نواز شریف کے قافلے سے اپنی رفتار تیز کر دی، قافلے نے سو میل سو کی رفتار سے روات کا علاقہ پار کیا،سیکیورٹی حالات کے پیش نظر پلان میں تبدیلی کی گئی، جس کے بعد یہ فیصلہ کیا گیا کہ تیزی سے قافلہ لاہور کی جانب روانہ ہو۔ اس موقع پر نواز شریف کا کنٹینر بھی کافی پیچھے رہ گیا۔