راولپنڈی (مانیٹرنگ ڈیسک) سابق وزیر اعظم میاں محمد نواز شریف ریلی کے ہمراہ 11بجے پنجاب ہاؤس راولپنڈی سے روانہ ہوں گے ۔تاہم ریلی سے قبل بم ڈسپوزل سکواڈ کی جانب سے پنجاب ہاؤس کے اطراف میں سرچ آپریشن کیا گیا ۔ن لیگ کےرہنما اور کارکن اپنے قائد سے اظہار یکجہتی کیلئے پنجاب ہاؤس پہنچ رہے ہیں ۔کارکنوں کی نواز شریف کے حق میں نعرے۔ذرائع کے مطابق نواز شریف اس وقت پنجاب ہاؤس میں موجود نہیں ۔ ان کی آمد کے بعد پنجاب ہاؤس سے مشن جی ٹی روڈ کا آغاز ہو گا ۔
قبل ازیں سابق وزیراعظم نواز شریف کا کنٹینر روالپنڈی پنجاب ہاؤس پہنچنے کے بعد مسلم لیگی رہنماؤں کی آمد کا سلسلہ شروع ہواتو زعیم قادری کی گاڑی کو پنجاب ہاؤس کے باہر روک لیا گیا۔تفصیلات کے مطابق پنجاب ہاؤس کے سکیورٹی گارڈ نے زعیم قادری کو کہا کہ “یہ سعد رفیق کی گاڑی ہے” تاہمزعیم قادری نے کہا کہ ” آ پ کا کیا مسلہ ہے” ، جس کے بعد زعیم قادری اور سیکیورٹی اہلکار کے درمیان تلخ جملوں کا تبادلہ ہوا۔ بعدازاںزعیم قادری کو پنجاب ہاؤس جانے کی اجازت مل گئی ۔
