لاہور(آئی این پی) خلیجی ممالک کے اقاموں کی بنیاد پر وفاقی وزراء خواجہ آصف اور احسن اقبال جبکہ جے آئی ٹی کی تحقیقات کی روشنی میں اسحاق ڈار کی نااہلی کیلئے سپریم کورٹ لاہور رجسٹری میں درخواست دائر کر دی گئی۔سپریم کورٹ لاہور رجسٹری میں یہ درخواست شہری محمود اختر کی طرف سے دائر کی گئی ہے جس میں کہا گیا ہے کہ مسلم لیگ نون کے دو اراکین اسمبلی خواجہ آصف اور احسن اقبال کے خلیجی ممالک سے اقامے منظر عام پر آئے ہیں،

دونوں اراکین اسمبلی نے ان اقاموں کو کاغذات نامزدگی میں ظاہر نہ کر کے آئین کے آرٹیکل 62 اور 63 کی خلاف ورزی کی ہے درخواست میں مزید کہا گیا ہے کہ پانامہ جے آئی ٹی نے اسحاق ڈار کو آمدن سے زائد اثاثے بنانے کا ذمہ دار قرار دیا ہے، اسحاق ڈار نے ان اثاثوں کو کاغذات نامزدگی میں ظاہر نہیں کیادرخواست میں استدعا کی گئی ہے کہ خواجہ آصف، احسن اقبال اور اسحاق ڈار کو نااہل قرار دیا جائے۔