اسلام آباد(آئی این پی )وزیر خارجہ خواجہ محمد آصف نے کہا ہے کہ اگلے8,9مہینے نوازشریف سیاست کرینگے اورپاکستان کے کونے کونے میں جائینگے، ہم تصادم کی طرف نہیں جارہے، ہم اداروں کا احترام کرنے والے لوگ ہیں، اگربیگم کلثوم نوازاین اے 120 کیلئے امیدواربنتی ہیں توبہت اچھا ہوگا،انہوں نے اس دور میں بھی پارٹی کو سنبھالا تھا جب مشرف نے تمام رہنماؤں کو جیلوں میں ڈال دیا تھا ،

نوازشریف سیاسی اثاثہ ہیں وہ باہر نکلیں گے تو دنیا دیکھے گے ۔ وہ منگل کو نجی ٹی وی پروگرام میں گفتگو کر رہے تھے ۔انہوں نے کہا کہ وزیراعظم کس کوبنایا جائے یہ پارٹی کا فیصلہ ہوتا ہے، اگربیگم کلثوم نوازاین اے 120 کیلئے امیدواربنتی ہیں توبہت اچھا ہوگا، مشرف نے منتخب حکومت کو گھر بھیج کر نوازشریف سمیت اہم وزراء کو جیل میں ڈالا تھا تو تب بھی بیگم کلثوم نوازنے پارٹی کوسنبھالا تھا ۔خواجہ آصف نے کہا کہ الیکشن سے پہلے بجلی کی لوڈشیڈنگ ختم ہوجائے گی، نوازشریف باہرنکلیں گے دنیا دیکھے گی،اگلے 8,9مہینے نوازشریف سیاست کرینگے اورپاکستان کے کونے کونے میں جائینگے۔انہوں نے کہا کہ سیاستدانوں کوختم کرنیوالے مشرف جیسے لوگ خود ختم ہوگئے،مگرسیاستدان واپس آتے رہے، ہمارا سب سے بڑا سیاسی اثاثہ نوازشریف ہیں، ہم تصادم کی طرف نہیں جارہے، اداروں کا احترام کرنے والے لوگ ہیں اورعدالتی فیصلے پرعمل درآمد کیا۔وزیر خارجہ نے کہا کہ آج مشرف خود دبئی میں پاکستان کی عدالتوں سے بھاگ کر چھپا بیٹھا ہے ، آج اس کی جگہ کچرا دانوں میں بھی نہیں ہے ۔