لاہور(نیوزڈیسک)مسئلہ عائشہ گلالئی نہیں بلکہ ۔۔۔! عمران خان کے انکار کی حیرت انگیزوجہ سامنے آگئی، تفصیلات کے مطابق عمران خان عائشہ گلالئی کے الزامات کے حوالے سے اپنے بلیک بیری کے پارلیمانی کمیٹی کو دینے پر پریشان نہیں بلکہ ان کی اصل پریشانی یہ ہے کہ کہیں ان کی خفیہ سیاسی اور ذاتی گفتگو کا ریکارڈ بھی افشاءنہ ہوجائے، جس کے بعد ایک اور بڑا سکینڈل کھڑا ہوسکتاہے ،
واضح رہے کہ قومی اسمبلی کی پارلیمانی کمیٹی میں 13حکومتی ارکان اور 7اپوزیشن کے ارکان شامل ہوں گے جس کیلئے دونوں فریقین کمیٹی کے ساتھ مکمل تعاون کرنے کے پابندہیں۔اس سلسلے میں جب تحقیقات کا آغازہوگا توعائشہ گلا لئی اور عمران خان دونوں کو بلیک بیری موبائل فون کے میسجزکی تحقیقات کیلئے موبائل فونز حوالے کرنا ہوںگے، اس سلسلے میں عمران خان نے دوٹو ک انکارکردیا ہے کہ وہ اپنا فون حوالے نہیں کریںگے انہیں خدشہ ہے کہ بلیک بیری حوالے کرنے سے ان کے مختلف چینلز کے ساتھ روابط سمیت سیاسی اور ذاتی گفتگو لیک ہوجائے گی جس کے بعد ان کے لئے مزید مسائل پیداہوجائیںگے۔
