اسلام آباد (مانیٹرنگ ڈیسک) عمران خان کے خلاف بندوق کا استعمال کرنے کی دھمکی، عائشہ گلالئی کے والد کو مہنگی پڑ گئی، تفصیلات کے مطابق عائشہ گلالئی کے والد کے بیان کہ میں بندوق سے عمران خان سے دُوبدو مقابلہ کرنا چاہتا ہوں، ان کے اس بیان کے جواب میں تحریک انصاف کے ایک کھلاڑی میدان میں آ گئے ہیں اور عائشہ گلالئی کے والد کو چیلنج کر دیا ہے۔ اس کھلاڑی کی
وڈیو نے سوشل میڈیا پر دھوم مچا رکھی ہے، تحریک انصاف کے اس رکن نے کہا کہ عمران تو تحریک انصاف کے چیئرمین ہیں اور میں ایک ادنیٰ سا رکن ہوں، اس نے کہا کہ میں عائشہ گلالئی کے والد کو مقابلے کا چیلنج کرتا ہوں کہ آپ عمران خان سے کیا مقابلے کریں گے آپ میرے ساتھ مقابلہ کرکے دیکھ لیں، آپ اپنی بندوق بھر کر لائیں اور میری بندوق میں صرف ایک گولی ہی بہت ہے۔