اسلام آباد (این این آئی) سپریم کورٹ میں وفاقی وزیر ریلوے سعد رفیق کے خلاف توہین عدالت کی درخواست دائر کر دی گئی۔یہ درخواست پاکستان تحریک انصاف کے رہنماء اویس یونس کی جانب سے دائر کی گئی۔درخو است گزار نے موقف اختیار کیا کہ خواجہ سعد رفیق نے 31جولائی کو نیوز کانفرنس کرتے ہوئے عدلیہ کو شدید
تنقید کا نشانہ بنایا اور ججز کو سازش کا حصہ قرار دے کر عدلیہ کی توہین کی ہے جبکہ مذکورہ نیوز کانفرنس کامقصد عوام کی نظر میں عدلیہ کے وقار کو مجروح کرنا تھا لہٰذا لیگی رہنماء کے خلاف توہین عدالت کی کارروائی عمل میں لاتے ہوئے قانون کے مطابق مناسب کارروائی کی جائے ۔
