لاہور ( این این آئی) ترجمان پنجاب حکومت ملک محمد احمد خاں نے کہا ہے کہ سابق وزیر اعظم نواز شریف کو جیمرز کے ساتھ بلٹ پروف گاڑی فراہم کی جائے گی ۔ نجی ٹی وی سے گفتگو کرتے ہوئے انہوں نے کہا کہ نواز شریف کی ریلی میں لاکھوں افراد شامل ہوں گے
جبکہ ریلی کے راستے کی دکانیں بند کر کے فول پروف سکیورٹی انتظامات کیے جائیں گے۔ترجمان پنجاب حکومت کے مطابق نواز شریف کو جیمرز کے ساتھ بلٹ پروف گاڑی مہیا کی جائےگی اور مخالفین سے بھی یقین دہانی لی جائے گی کہ وہ کوئی گڑ بڑ نہ کریں۔