اسلام آباد (آئی این پی) پاکستان تحریک انصاف کو منگل کو قومی اسمبلی میں کورم کی نشاندہی پر شرمندگی کا سامنا کرنا پڑا۔ ایوان میں پاکستان مسلم لیگ (ن) اور پاکستان تحریک انصاف کے درمیان سخت تنائو رہا تحریک انصاف کے رکن حامد الحق نے کورم کی نشاندہی کردی ڈپٹی سپیکر مرتضیٰ جاوید عباسی نے گنتی کروائی کورم پورا نکلا تحریک انصاف کو خفت اٹھانا پڑی۔دوسری جانب تحریک انصاف کی منحرف رہنما عائشہ گلالئی کو عمران خان کی جانب سے
نازیبہ پیغامات کی تحقیقات کیلئے پارلیمانی کمیٹی کا قیام اسلام آباد ہائی کورٹ میں چیلنج کردیا گیا۔ میڈیا رپورٹ کے مطابق ایک وکیل نے عائشہ گلالئی کے عمران خان پر الزامات کی تحقیقات کیلئے بنائے جانے والی پارلیمانی کمیٹی کے قیام کو اسلام آباد ہائیکورٹ میں چیلنج کیا۔درخواست گزار نے موقف اختیار کیا کہ پارلیمانی کمیٹی کا قیام بدنیتی پر مبنی ہے ٗ قومی اسمبلی قانون سازی اور قومی معاملات پر بحث کے لئے ہے اس لئے اس معاملے سے قیمتی وقت اور پیسے کا ضیاع ہوگا۔