اسلام آباد (مانیٹرنگ ڈیسک) عمران خان کابلیک بیری عدالت میں لا کر دیا جائے، عمران خان کے کرتوت خراب ہیں، ایک نہیں ایک ہزار سکینڈل منظر عام پر آئیں گے، وزیر مملکت برائے توانائی عابد شیر علی کی پارلیمنٹ ہائوس کے باہر میـڈیا سے گفتگو۔ تفصیلات کے مطابق پارلیمنٹ ہائوس کے باہر میڈیا سے گفتگو کرتے ہوئے وزیر مملکت برائے توانائی عابد شیر علی نے کہا ہے کہ عمران خان کا بلیک بیری عدالت میں لاکر دیا جائے، عمران خان کے کرتوت خراب ہیں ایک نہیں ایک ہزار سکینڈل
منظر عام پر آئیں گے۔ پی ٹی آئی اخلاقیات کمیٹی کو نہیں مانتی تو جے آئی ٹی میں کیا ان کے ماموں بیٹھے ہوئے تھے۔ ریحام خان نے اپنی کتاب میں مراد سعید اور عون چوہدری پر جو الزامات لگائے ہیں عمران خان پہلے ان کا جواب دیں۔نواز شریف عوام کے دلوں کے وزیراعظم ہیں، عوام کی محبت کبھی کوئی ختم نہیں کر سکتا، ہم اپنی عوامی جے آئی ٹی کے پاس جا رہے ہیں ۔ جی ٹی روڈ بھی نواز شریف کا ہے اور موٹروے بھی نواز شریف کا ہے، پی ٹی آئی اپنی جے آئی ٹی اور ہم اپنی جیآئی ٹی کے ساتھ میچ کھیلیں گے۔
