لاہور (مانیٹرنگ ڈیسک) عوامی تحریک کے قائد طاہر القادری کی لاہور آمد کے بعد ناصر باغ میں جلسہ عام سے خطاب سے پہلے سکیورٹی کے انتظامات انتہائی سخت ہیں ۔ جہاں پنجاب حکومت نے سکیورٹی فراہم کی ہوئی ہے وہیں عوامی تحریک کے اپنے رضا کار بھی ڈیوٹی انجام دے رہے ہیں ۔ مگر سکیورٹی اہلکاروں کو آج اس وقت سخت پریشانی کا سامنا کرنا پڑا جب ” گلو بٹ ” کے ہم شکل
نے پنڈال میں جانے کی کوشش کی ۔ تفصیلا ت کے مطابق مشہور زمانہ گلو بٹ کے ہم شکل نے ناصر باغ گراؤنڈ میں داخل ہونے کی کوشش کی تو سکیورٹی اہلکار اسے اصلی گلو بٹ سمجھ بیٹھا ۔ سکیورٹی اہلکار نے گلو بٹ کو پنڈال میں جانے کی اجازت نہیں دی ۔ گلو بٹ کے ہم شکل نے ہزار بار بتایا کہ وہ اصلی نہیں ہے مگر سکیورٹی اہلکار نہ مانا جس کے بعد مبینہ گلو بٹ کو واپس جانا پڑ ا ۔
