لاہور (مانیٹرنگ ڈیسک) رکن قومی اسمبلی اور وزیر اعلیٰ پنجاب کے صاحبزادے حمزہ شہباز شریف کی سابق اہلیہ کی دعویدار عائشہ احد ملک کے معاملے پر بھی تحقیقاتی کمیٹی بنانے کا مطالبہ دن بدن زور پکڑتا جا رہا ہے۔ گزشتہ روز پی ٹی آئی چیئرمین عمران خان نے اپنی ٹویٹ کے ذریعے کہا تھا کہ یہ نئے وزیر اعظم شاہد خاقان عباسی کا امتحان ہے کہ وہ اس معاملے پر کیا
ایکشن لیتے ہیں۔ اب ایک اور سیاستدان فوزیہ قصوری نے بھی عائشہ احد ملک کے ساتھ مبینہ ناانصافی کی تحقیقات کا مطالبہ کر دیا ہے۔سماجی رابطوں کی ویب سائٹ ٹویٹر پر جاری ایک بیان میں فوزیہ قصوری نے کہا ہے کہ عائشہ احد کے ساتھ ہوئی ناانصافی کی تحقیقات بھی ضرور ہونی چاہیے اور اس معاملے پر بغیر کسی حیل وحجت کے تحقیقاتی کمیٹی بننی چاہیے۔
Yes, the injustice to Ayesha Ahad needs to be investigated and a committee shld be set up without delay on this subject!
— Fauzia Kasuri (@FauziaKasuri) August 5, 2017
