اسلام آباد ( آن لائن)نوازشریف کے خلاف فیصلے کے بعد سرتاج عزیز اور عمران خان کیا کرتے رہے؟حیرت انگیزانکشافات،سرتاج عزیز نے ’’آدھااعتراف‘‘ کرلیا،مبارکباد دینے سے انکار، ہاتھ ملانے کا اقرارکرلیا،پاکستان تحریک انصاف کے رہنما عمران اسماعیل نے دعویٰ کیا ہے کہ سابق وزیر اعظم نواز شریف کی نااہلی پر سابق مشیر خارجہ سرتاج عزیز نے چیئرمین پی ٹی آئی عمران خان کو مبارکباد دی اور کہا کہ آپ نے بڑا معرکہ سر کر لیا ہے ،جبکہ سرتاج عزیز نے عمران اسماعیل کے اس دعوی کی تردید کردی ہے ۔ اتوار کے روز نجی ٹی وی سما نیوز کے پروگرام میں گفتگو کرتے ہوئے
عمران اسماعیل نے کہا کہ کہ سپریم کورٹ کی جانب سے نوازشریف کی بطور وزیراعظم نااہلی کا فیصلہ آنے کے بعد سرتاج عزیز نے عمران خان کو مبارکباد دی اور کہاکہ’’ خان صاحب‘‘آپ نے بڑا معرکہ کردیا ہے، یہی نہیں سابق مشیر خارجہ نے خوشی کا اظہار کرتے ہوئے ہم سب کے ساتھ مصافحہ بھی کیا۔دریں اثناء سابق مشیر خارجہ سرتاج عزیز نے عمران اسماعیل کے بیان کی تردید کرتے ہوئے کہا ہے کہ حلفیہ کہتاہوں میں نے عمران خان کو کوئی مبارکباد نہیں دی،عمران خان سے صرف مصافحہ ہوا اور کوئی بات نہیں ہوئی بہتر ہوگا یہ بات عمران خان سے بھی پوچھ لی جائے ۔
