اسلام آباد (مانیٹرنگ ڈیسک) تازہ ترین میڈیا رپورٹس کے مطابق نواز شریف اپنے خاندان کے ہمراہ مری سے اسلام آباد پہنچےتو لیگی کارکنوں نے ان کا پر جوش استقبال کیا ۔ شدید نعرے بازی کرتے ہوئے لیگی کارکنان بولے ’یا اللہ یا رسول ، نواز شریف بے قصور‘۔ تفصیلات کے مطابق نواز شریف اپنی فیملی کے ہمراہ مری سے اسلام آباد پہنچے تو بھارہ کہو کے علاقے اٹھال چوک پر
لیگی کارکنان بڑی تعداد میں ان کے استقبال کے لیے موجود تھے ۔اس موقع پر کارکنان نے شدید نعرے بازی کرتے ہوئے’یا اللہ یا رسول ،نواز شریف بے قصور ‘اور’شیر ،شیر‘ کے نعرے لگائے۔کارکنان کے جوش و ولولے کو دیکھ کر نواز شریف بھی اپنے گاڑی سے باہر آگئے اور انہوں نے مسکراتے ہوئے ہاتھ ہلا کر لوگوں کی نعرے بازی کا جواب بھی دیا ۔
