پشاور(آئی این پی )شمالی وزیرستان کے عمائدین نے عائشہ گلالئی سے مطالبہ کیاہے کہ عمران خان لگائے گئے الزامات کے ثبوت سامنے لائے وزیر قبائل عمران خان کے ساتھ قبائیلی روایات کے مطابق جرگہ کریگابصورت دیگر بغیر ثبوت کے الزامات پر عائشہ گلالئی کی گھرکاگھیراؤ کیاجائے گا،بروز جمعہ پریس کانفرنس کرتے ہوئے سربراہ گرینڈ وزیرستان جرگہ ملک جلال خان وزیر،حاجی شامت خان،حاجی لائر خان اور یگرنے کہاکہ عائشہ گلالئی کی وجہ سے وزیر قبیلے کے بدنامی ہوئی ہے
کیونکہ ان کا وزیرقبائل سے کوئی تعلق نہیں اور نہ ہی اس کاوزیرستان میں کوئی جائیداد ہے۔ عائشہ گلالئی اور ان کے والد شمس قیوم کو جواب دیناہوگاکہ انہوں نے کس کے ایماء اور کس کے ساتھ سودا کرکے ہمارے بے عزتی کی ہے انہوں نے کہا کہ عائشہ گلالئی کو ہمارے قبیلے کو بدنام کرنے کا حساب دینا ہوگااوراگرانہوں نے الزامات ثابت نہ کیے تو وزیرقبیلہ ان کے گھر کا گھیراؤکریگا۔
