اسلام آباد/لاہور( این این آئی ) پاکستان مسلم لیگ (ن) کے رہنما دانیال عزیز نے من پسند عہدہ نہ ملنے پر پارٹی سے ناراضگی کی خبروں کی تردید کردی۔سماجی رابطوں کی ویب سائٹ ٹوئیٹر پر اپنے دانیال عزیز نے پیغام لکھا کہ ناراضگی کی خبروں میں کوئی صداقت نہیں، نواز شریف کا ساتھی ہوں اوردل سے کام کرتا ہوں ، لیڈر شپ جیسا کہے گی ویسا کروں گا۔
میڈیا میں ذرائع کے حوالے سے یہ خبریں تھیں کہ دانیال عزیز نے تحفظات کے باعث وفاقی کابینہ کی تقریب حلف برداری میں شرکت نہیں کی حالانکہ ان کا نام حلف برداری کے لیے وزرا ء کی فہرست میں شامل تھا۔ وزیر مملکت بنائے جانے پر دانیال عزیز تقریب میں آئے ہی نہیں کیونکہ وہ وفاقی وزیر بننے کے خو اہشمند تھے ۔
