اسلام آباد(مانیٹرنگ ڈیسک)صوبائی احتساب کمیشن نے عائشہ گلا لئی کے خلاف کرپشن الزامات کی تحقیقات کیلئے ثبوت مانگ لئے۔ تفصیلات کے مطابق صوبائی احتساب کمیشن نے عائشہ گلا لئی کے خلاف کرپشن الزامات کی تحقیقات کیلئے دو افراد سے ثبوت مانگ لئے ہیں۔ واضح رہے کہ گزشتہ روز
عائشہ گلا لئی کے مبینہ طور پر ذاتی معاون نور زمان نے ان پر کروڑوں روپے کی کرپشن کے الزامات عائد کئے تھے جس سے متعلق عائشہ گلا لئی نے نور زمان کی جانب سے لگائے گئے الزامات کی تردید کرتے ہوئےکہا ہے کہ مجھ پر الزام لگانے کیلئے لوگوں کو ٹکٹ اور پیسوں کا لالچ دیا جا رہا ہے۔
