اسلام آباد(مانیٹرنگ ڈیسک)میرے کردار کی گواہی عمران خان بھی دے گا، 4سال تک ہمت جٹاتی رہی ، شرم کی وجہ سے معاملہ سامنے نہیں لا سکی ،چاہتی تھی کہ کسی طریقے سے یہ مسئلہ حل ہو جاتا اور میں پارٹی میں اور سیاست میں کردار ادا کرتی رہتی، اور اگر آج معاملہ سب کے سامنے لائی ہوں تو کسی کو مسئلہ نہیں ہونا چاہئے، عائشہ گلا لئی کی نجی ٹی وی ’’جیو نیوز‘‘

کے پروگرام کیپیٹل ٹاک میں معروف صحافی و تجزیہ کار حامد میر سےگفتگو۔ تفصیلات کے مطابق نجی ٹی وی ’’جیونیوز ‘‘کے پروگرام کیپیٹل ٹاک میں معروف صحافی و تجزیہ کار اور پروگرام کے میزبان حامد میر سے گفتگو کرتے ہوئے عائشہ گلا لئی کا کہنا تھا کہ میرا کردار کیسا ہے سب جانتے ہیں ، میرے کردار کی گواہی عمران خان بھی دے گا۔ ان کا کہنا تھا کہ بہت سے خواتین ہیں جن کو اس طرح کے میسجز گئے ہونگے کیونکہ یہ پی ٹی آئی کا کلچر ہےاور وہ خاموش ہیں اور میں نے اگر جرات کی ہے تو اس میں کسی کو کیا مسئلہ ہے، میں بھی شرم کی وجہ سے شروع میں خاموش رہی ، ہم چاہ رہے تھے کہ یہ مسئلہ کسی طریقے سے ختم ہو جائے اور مجھے پارٹی میں لیڈر شپ اور پرفارمنس کا موقع ملے جو کہ نہیں ہوا۔ اور اگر آج میں ہمت کرنے میں کامیاب ہو گئی ہوں اور یہ معاملہ سامنے لائی ہوں تو اس میں کسی کو کوئی مسئلہ نہیں ہونا چاہئے۔واضح رہے کہ عائشہ گلا لئی پروگرام میں شریک ایک دوسرے مہمان ماہر قانون احمد اویس ایڈووکیٹ کی جانب سے ان کے کردار کے حوالے سے تنقید پر بات کا جواب دے رہی تھیں۔

موضوعات:عائشہ گلا لئی