اسلام آباد(مانیٹرنگ ڈیسک)عائشہ گلا لئی کو شادی کی پیشکش کا اعتراف تحریک انـصاف کے ترجمان نعیم الحق نے نہیں بلکہ ان کا ٹویٹر اکائونٹ ہیک کرنے والے ہیکر نے کیا، شفقت محمود نے وضاحت دیدی۔ تفصیلات کے مطابق تحریک انصاف کے رہنما شفقت محمود نے کہا ہے کہ نعیم الحق کے ٹویٹر اکائونٹ کو ہیک کر لیا گیا ہے اور ہیک کرنے والوں نے عائشہ گلا لئی سے متعلق غلط ٹویٹ کی ہے۔ واضح رہے کہ نعیم الحق کے اکائونٹ سے ہونی والی ٹویٹ میں کہا گیا تھا’’کیا مجھے
عائشہ گلا لئی کے ساتھ شادی کی بات پر معافی مانگنی چاہئے؟نہیں میں ایسا بالکل بھی نہیں سمجھتا، کسی کو شادی کی پیشکش کرنے میں کچھ بھی غلط نہیں ہے۔ شفقت محمود نے نعیم الحق کے ٹویٹر اکائونـٹ ہیک ہونے اور عائشہ گلا لئی کو شادی کی پیشکش کے حوالے سے اعترافی ٹویٹ بارے وضاحت ٹویٹر پر اپنے ایک پیغام میں دی ہے ۔ خیال رہے کہ عائشہ گلا لئی نے گزشتہ روز نجی ٹی وی کے پروگرام میں انکشاف کیا کہ نعیم الحق نے انہیں شادی سے متعلق بات چیت کی تھی۔
