پشاور(این این آئی)پاکستان تحریک انصاف کے رہنما اور رکن خیبرپختونخوا اسمبلی فضل الہی نے کہا ہے کہ عائشہ گلالئی کوریحام خان اور امیر مقام نے تیار کیا ہے۔ عائشہ گلالئی نہ پشتون ہے اور نہ ہی وزیر قوم سے تعلق ہے ۔گلالئی اگر پشتون ہے توکیا چار سال سب کچھ ایم این اے کی نشست کے لیے برداشت کرتی رہے؟ پی ٹی آئی کے ایم پی اے فضل الہی نے پریس کلب میں نیوز کانفرنس کرتے ہوئے کہا کہ عائشہ گلالئی نہ پشتون ہے اور نہ ہی وزیر قوم سے تعلق ہے۔
انکا کہنا تھا عائشہ گلالئی پیپلزپارٹی، امیر مقام اور ریحام خان کے گروپ کا حصہ ہے۔ ریحام خان اور عائشہ گلالئی ایک جیسے ہیں۔ انہوں نے کہا کہ عائشہ گلالئی نے کیا صرف ایم این اے کی نمبر پلیٹ کے لئے اتنا کچھ چار سال برداشت کیا۔ عائشہ گلالئی نے قطر میں بھوت ا سپتال کے لئے فنڈنگ کی ہے جسے وہ واپس کرے یا شوکت خانم کے اکاونٹ میں جمع کریں۔ دبئی سے جو فنڈز لیے اسکا بھی حساب دیں۔
