کراچی (این این آئی)پاکستان تحریک انصاف کے چیئرمین عمران خان نے سندھ نیشنل فرنٹ کے سربراہ ممتازبھٹو کوپارٹی میں شمولیت کی دعوت دے دی ہے۔ذرائع کے مطابق عمران خان نے ممتازبھٹوسے ٹیلی فونک رابطہ کیاہے۔عمران خان نے ممتازبھٹوکوپی ٹی آئی میں شمولیت کی دعوت دی ہے۔
عمران خان نے ممتازبھٹو کو کہاہے کہ ہمیں آپ کی ضرورت ہے،جلدفیصلہ کریں۔ عمران خان کی دعوت پر ممتازبھٹو نے پی ٹی آئی چئیرمین کوسندھ کے دورے کی دعوت دیتے ہوئے کہاکہ سندھ آئیں،خوش آمدید کہیں گے۔ممتازبھٹو نے عمران خان سے کہا کہ پی ٹی آئی میں شمولیت کافیصلہ مشاورت کے بعدایک ہفتے میں کروں گا۔
