اسلام آباد ( آن لائن ) چیئر مین تحریک انصاف عمران خان نے اپنی جماعت کے کارکنان سے درخواست کرتے ہوئے کہا ہے کہ تمام سپورٹرز عائشہ گلا لئی کی بہن کو نشانہ بنانے کا سلسلہ بند کریں۔مسلم لیگ ن نے وہ کام کرنا شروع کردیا جس میں وہ مہارت رکھتے ہیں۔سماجی رابطے کی ویب سائٹ ٹوئٹر پر پیغام دیتے ہوئے عمران خان نے کہا کہ مجھے نا اہل کرانے کے لیے تمام تر حربے ناکام ہونے کے بعد ن لیگ

نے وہ کام کرنا شروع کردیا جس میں وہ مہارت رکھتے ہیں۔عمران خان نے مزید کہا کہ جو اپنے ضمیر کا سودا کر رہے ہیں وہ خود بے نقاب ہو جائیں گے۔۔انہوں نے کہا کہ لوگوں کا ضمیر خرید کر خیبر پختونخواہ حکومت کا تختہ الٹنے کی کوشش کی جا رہی ہے ،باقی لوگوں نے یقین دلا یا کہ وہ اپنا ضمیر نہیں بیچیں گے۔واضح رہے کہ عائشہ گلالئی پاکستان کی نامور اسکوئش پلیئر ماریہ طور پکئی کی بہن ہیں ۔ ‎

موضوعات:عائشہ گلا لئی عمران خان