اسلام آباد(مانیٹرنگ ڈیسک) شاہد خاقان عباسی نے گزشتہ روز پاکستان کے 18ویں وزیر اعظم کے طور پر حلف اٹھا لیا ۔ حلف برداری کی تقریب میں آرمی چیف جنرل قمر جاوید باجوہ بھی موجود تھے۔ تقریب حلف برداری کے دوران صحافی نے آرمی چیف جنرل باجوہ سے سوال کیا کہ ملک میں جمہوریت کو
کیسا دیکھ رہے ہیں تو جنرل باجوہ نے جواب دیا کہ جمہوریت کو پھلتاپھولتا دیکھ رہا ہوں ۔اچھی بات ہے جمہوریت آگے بڑھ رہی ہے۔ اس کے بعد آرمی چیف جنرل قمر جاوید باجوہ یہ کہہ کر مولانا فضل الرحمان کی جانب بڑھ گئے کہ مولانا سے ملنے دو ورنہ مجھ پر بھی کوئی فتویٰ لگ جائے گا۔
