اسلام آباد (این این آئی)پاکستان مسلم لیگ (ن)کی رہنما اور سابق وزیر مملکت برائے اطلاعات ونشریات مریم اور نگزیب نے کہا ہے کہ عائشہ گلا لئی کے عمران خان پر الزامات کی تحقیقات ضرور ہونی چاہیے ٗ شاہد خاقان عباسی 30سال سے پارٹی کے وفادار ساتھی ہیں ٗ ریلو کٹا وہ ہے جو چار سال میں چار پارٹیاں بدل کر آج پی ٹی آئی کا ترجمان ہے ۔
نجی ٹی وی کے مطابق ایک بیان میں انہوں نے کہاکہ وزیراعظم شاہد خاقان عباسی 30سال سے پارٹی کے وفادار ساتھی ہیں ۔انہوں نے کہاکہ فواد چوہدری عمران خان سے دوسروں پر کیچڑ اچھالنے کا کتنا معاوضہ لیتے ہیں ؟ ریلو کٹا وہ ہے جو چار سال میں چار پارٹیاں بدل کر آج پی ٹی آئی کا ترجمان ہے ۔ انہوں نے کہاکہ عائشہ گلا لئی کا معاملہ تحریک انصاف کا اندرونی معاملہ ہے تاہم عمرا ن خان پر عائشہ گلا لئی کے الزامات کی تحقیقات ضرور ہونی چاہیے ۔
