پشاور( این این آئی)کینیڈا نے خیبرپختونخوا ہ میں شمسی توانائی کی پیداوار کے شعبے میں 10کروڑ ڈالر کی سرمایہ کاری کرنے پر آمادگی ظاہر کی ہے۔ سرکاری ذرائع نے بتایا کہ کینیڈا کی ایک فرم کی جانب سے ایک ہزار میگاواٹ بجلی پیدا کی جائے گی۔
اس سلسلے میں کینیڈین کمرشل کارپوریشن اورخیبرپختونخوا ہ حکومت کے درمیان مفاہمت کی ایک یادداشت پر بھی دستخط کئے گئے ہیں۔ یہ بجلی صوبے کے صنعتی زونز کو فراہم کی جائے گی تاکہ صنعتی پیداوار میں اضافہ کیا جاسکے۔
