اسلام آباد (مانیٹرنگ ڈیسک) عائشہ گلالئی گزشتہ روز عمران خان کے پاس کیا کرتی رہیں؟ ان کا مطالبہ کیا تھا؟ تفصیلات کے مطابق عائشہ گلالئی کے بارے میں بات کرتے ہوئے تحریک انصاف کے ترجمان نعیم الحق نے کہا کہ وہ گزشتہ روز چار گھنٹے عمران خان کے پاس رہیں اور انہوں نے ایک حلقے کے لیے ٹکٹ بھی مانگا، تحریک انصاف کے ترجمان نعیم الحق سے جب عائشہ گلالئی کے تحریک انصاف چھوڑنے کے فیصلے کے بارے سوال

کیا گیا تو انہوں نے اس سے لاعلمی کا اظہار کرتے ہوئے کہا کہ عائشہ گلالئی تو کل ایک وفد کے ہمراہ یہاں آئی تھیں اور 4گھنٹے تک تحریک انصاف کے چیئرمین عمران خان کے پاس رہیں۔ اس ملاقات میں عائشہ گلالئی نے پشاور کے ایک حلقے کا ٹکٹ بھی مانگا۔ تحریک انصاف کے ترجمان نعیم الحق نے کہا کہ یہ بہت ہی حیرت کی بات ہے کہ عائشہ نے پارٹی چھوڑ دی ہے، انہوں نے کہا کہ میں مکمل تصدیق کے بعد ہی اپنا موقف دے سکتا ہوں۔

موضوعات:نعیم الحق