لاہور(آئی این پی) صوبائی وزیر قانون پنجاب رانا ثنااللہ خان نے کہا ہے کہ شہباز شریف پنجاب کے لئے لازم و ملزوم ہیں ، ان کا وزرات اعلی کا منصب چھوڑ کر وزیر اعظم بننا ٹھیک نہیں ‘شہباز شریف پنجاب سے چلے گئے تو یہاں پر مسائل پیدا ہوں گے۔میڈیا رپورٹس کے مطابق وزیر قانون پنجاب رانا ثنااللہ نے وزیراعلی پنجاب شہباز شریف کے وزیراعظم بننے کے فیصلے کی مخالفت کر دی ہے۔ رانا ثنااللہ کا کہنا ہے کہ شہباز شریف کو

وزیراعلی پنجاب ہی رہنا چاہیئے۔ اگر شہباز شریف پنجاب سے دور ہوگئے تو پھر مسلم لیگ ن کیلئے بہت بڑی مشکلات کھڑی ہو جائیں گی۔مسلم لیگ ن کیخلاف اس وقت سازشی عناصر کھل کر میدان میں آ چکے ہیں۔ ایسے میں شہباز شریف کا جانا پنجاب میں مسلم لیگ ن کے کمزور ہو جانے کا باعث بن سکتا ہے۔ شریف خاندان کے خلاف عالمی سازشیں عروج پر ہیں جبکہ عمران خان عالمی طاقتوں کے ایک مہرے کے طور پر کام کر رہے ہیں

موضوعات:رانا ثنااللہ