اسلام آباد (این این آئی)سابق وزیر داخلہ چوہدری نثار علی خان نے کہا ہے کہ میرا سیاسی کیرئر تین دہائیوں پر مشتمل ہے ، 30سالہ سیاسی کیرئر میں متعدد وزارتوں کا سربراہ رہامگرحالیہ مدت میں وزارت داخلہ کی سربراہی میرے لئے کسی چیلنج سے کم نہیں تھا۔نجی ٹی وی کے مطابق سابق وزیر داخلہ چوہدری نثار علی خان نے سیکرٹری داخلہ کو خط لکھا ہے جس میں انہوں نے سیکرٹری داخلہ اور عملے کے دیگر افراد کی کوششوں
کو سراہا گیا جبکہ چوہدری نثار کا کہنا تھا کہ وزارت داخلہ کا منصب سنبھالتے وقت اندرونی سیکورٹی اور امن و امان میرے لئے بڑا چیلنج تھا ۔ اندرونی سیکیورٹی،امن عامہ کو برقراررکھنابڑے چیلنج تھے،اس دوران ہم نے بڑی کامیابیاں حاصل کیں ۔حالیہ مدت کے دوران جوبھی کامیابیاں حاصل کیں وہ ریکارڈ کاحصہ ہیں۔ان کامیابیوں پر سیکرٹری داخلہ کی خدمات قابل ستائش ہیں ۔وزارت کی پوری ٹیم اورمنسلک دفاتر کو اس کا کریڈٹ دیتا ہوں۔
