لاہور(آئی این پی) پیپلزپارٹی کے سینیٹر چوہدری اعتزاز احسن نے کہا ہے کہ نوازشر یف سازش کے تحت نہیں جھوٹ بولنے پر نااہل ہوئے ‘(ن) لیگ والے احتساب کے معاملے پر معصوم بن کر بچنے کی ناکام کوشش کر رہے ہیں مگروہ اس میں کامیاب نہیں ہوں گے ’آنیوالے دن (ن) لیگ کیلئے مزید مشکل دن ثابت ہوں گے جسکے لیے انکو تیاررہنا ہوگا۔اپنے ایک انٹرویو میں پیپلزپارٹی کے سینیٹر چوہدری اعتزاز احسن نے کہاکہ پیپلزپارٹی نے ہمیشہ آئین وقانون اور جمہو ریت کی بات کی ہے
سب سے زیادہ پاکستان میں پیپلزپارٹی کے قائدین کے خلاف مقدمات بنے مگر آج تک کسی ایک مقدمے میں بھی سزا نہ ہوئی ہمیں (ن) لیگ ہمیشہ احتساب کے نام پر انتقام کا نشانہ بنا تی رہی ہے اور آج جب (ن) لیگ والوں کا احتساب ہو رہا ہے تویہ اس احتساب کو ساز ش کہہ کر احتساب سے فرار ہونے کی کوشش کر رہے ہیں مگر ان کو ایک بات سمجھ لینی چاہیے کہ انکو احتساب کا سامنا کر نا ہی پڑ یگا اور آنیوالے دنوں میں (ن) لیگ کو اپنی کر پشن کی وجہ سے مزید مشکلات کا سامنا کر نا پڑ یگا ۔
