مری (آن لائن) سابق وزیراعظم نواز شریف وزیراعظم ہاؤس خالی کرکے مری میں اپنے گھر منتقل ہوگئے‘ مری پہنچنے پر سابق وزیراعظم عام لوگوں میں گھل مل گئے حسین نواز اور مریم نواز بھی سابق وزیراعظم کے ہمراہ ہیں اتوار کے روز سابق وزیراعظم نواز شریف اپنے صاحبزادے حسین نواز اور ان کی صاحبزادی مریم کے ہمراہ مری میں اپنے گھر پہنچ گئے جہاں پہلے سے موجود لیگی کارکنان نے ان کا استقبال کیا‘
مری پہنچنے پر نواز شریف عام لوگوں میں گھل مل گئے اور لوگوں نے ہاتھ ہلا کر ان کا استقبال کیا لیگی کارکنان نے نواز شریف کے حق میں نعرے بھی لگائے اس دوران مری میں موجود سیاحوں نے عمران خان کے حق میں نعرے لگائے جس پر لیگی کارکنان سامنے آگئے لیکن پولیس نے بیچ بچاؤ کرا کر تصادم روک دیا۔
