اسلام آباد (مانیٹرنگ ڈیسک) نجی ٹی وی کے اینکر اور سینئر صحافی عارف حمید بھٹی نے کہا ہے کہ سابق وزیراعظم میاں محمد نوازشریف نااہلی کے بعد ان کی بیٹی مریم نواز نے وزیراعظم ہاؤس خالی نہ کرنے کی ضد کی۔ سینئر صحافی نے کہا کہ وزیراعظم کی نااہلی کے بعد کلثوم نواز کی طبیعت خراب ہوگئی تھی جس کے بعد مریم نواز نے ضد کی کہ آج رات وہ وزیراعظم ہاؤس میں ہی رہیں گے اور وہ کہیں نہیں جائیں گے۔
اس کے علاوہ وزیراعظم ہاؤس کے سٹاف نے نواز شریف کو نااہل ہونے کے بعد سلیوٹ بھی نہیں کیا جس پر وہ غصہ ہوئے اور اس رویہ کی وجہ پوچھی تو سٹاف نے جواب دیا کہ اب آپ وزیراعظم نہیں رہے اور نااہل ہو چکے ہیں۔ اس کے علاوہ صحافی عارف حمید بھٹی کا کہنا تھا کہ سپریم کورٹ چاہتی تو وہ نوازشریف اور ان کے ساتھیوں کو سزا دے سکتی تھی مگر عدالت نے ان کو نیب کے حوالے کر دیا۔
