اسلام آباد (این این آئی)پاکستان تحریک انصاف کے چیئرمین شاہ محمود قریشی نے کہاہے کہ ہم جمہوریت کو لپیٹنا نہیں چاہتے اور ہر خطرے میں جمہوریت کے ساتھ کھڑے ہوں گے۔میڈیا سے گفتگو کرتے ہوئے شاہ محمود قریشی نے کہا کہ پاناما لیکس کے حوالے سے عدلیہ کا فیصلہ طویل عرصے تک یاد رکھا جائے گا، فیصلے نے طاقتوراور کمزورکوایک صف میں کھڑا کردیا۔پی ٹی آئی کے وائس چیئرمین نے کہاکہ ہم جمہوریت کولپیٹنا نہیں چاہتے ٗ
ہر خطرے میں جمہوریت کے ساتھ کھڑے ہوں گے۔ انہوں نے کہا کہ عدلیہ تحریک کے بعد نظام مضبوط ہوا ہے ٗ کون نہیں جانتا ماضی میں عدلیہ نظریہ ضرورت کے تحت چلتی رہی لیکن اب اس ملک میں ایک آزاد عدلیہ کا وجود عمل میں آگیا ہے ٗ اس آزاد عدلیہ کو کل پوری قوم نے دیکھا۔شاہ محمود قریشی نے کہا کہ آج ذہن اور قلم دونوں آزاد ہیں، اب احتساب ہوگا اور بلاتفریق ہوگا ٗ انہوں نے کہاکہ اپوزیشن جماعتوں کے اجلاس میں واضح پیغام دیا کہ ہم کسی سازش کا حصہ نہیں بنیں گے۔
