لاہور( این این آئی)عوامی مسلم لیگ کے سربراہ شیخ رشید احمد کو پانامہ فیصلے کے بعد خوشی سے نہال مداح کا منہ چومنا سخت نا گوار گزرا ،غصے سے چہرہ سرخ ہو گیا اور اسے پیچھے دھکیل دیا ۔ نجی ٹی وی پر دکھائی جانے والی ویڈیو میں دیکھا جا سکتا ہے کہ پانامہ فیصلے کے بعد شیخ رشید ہجوم کی صورت میں آرہے
ہیں اور اسی دوران ایک شخص آگے بڑھ کر ان کا منہ چوم لیتا ہے ۔شیخ رشید مداح کی اچانک اس حرکت پر ہکا بکا رہ جاتے ہیں اور اسے غصے سے پیچھے دھکیل دیتے ہیں۔ شیخ رشید کا نہ صرف غصے سے چہر ہ سرخ ہو جاتا ہے بلکہ وہ اپنے ہاتھ سے گال بھی صاف کرتے ہوئے دکھائی دیتے ہیں۔
