اسلام آباد (این این آئی) سابق وزیراعظم محمد نواز شریف کی صاحبزادی مریم نواز نے کہاہے کہ نواز شریف وزیراعظم ہوں یا نہ ہوں وہ دلوں میں رہتے ہیں۔ٹوئٹر پراپنے بیا ن میں کہا کہ محمد نواز شریف کا مسلم لیگ (ن) کے پارلیمانی پارٹی کے اجلاس میں پرتپاک استقبال کیا گیا ، انہوں نے کہا کہ نواز شریف وزیراعظم ہوں یا نہ ہوں وہ دلوں میں رہتے ہیں۔دریں اثناء سابق وزیراعظم محمد نواز شریف کا پارلیمانی پارٹی کے ارکان نے کھڑے ہو کر استقبال کیا اور دیکھو دیکھو کون آیا، شیر آیا، شیر آیا کے نعرے لگائے۔
ہفتہ کو سابق وزیراعظم محمد نواز شریف پارلیمانی پارٹی میں اجلاس میں شرکت کیلئے وزیراعظم ہاؤس سے پنجاب ہاؤس پہنچے تو اس موقع پر اجلاس میں موجود مسلم لیگ (ن) کے ارکان پارلیمنٹ نے سابق وزیراعظم محمد نواز شریف کا کھڑے ہو کر استقبال کیا ۔سابق وزیر اعظم محمد نواز شریف بغیر کسی پروٹول کے پنجاب ہاؤس پہنچے جہاں مسلم لیگ (ن)کی پارلیمانی پارٹی کے اجلاس میں شریک ہوئے ۔
