اسلام آباد (این این آئی)وزیرقانون پنجاب رانا ثناء اللہ نے کہا ہے کہ پاناما فیصلے پر جشن منانا انارکی پھیلانے کے مترادف ہے ٗاس فیصلے کے سیاسی اثرات صفر ہوں گے۔نجی ٹی وی سے گفتگو میں رانا ثناء اللہ نے کہا کہ ماضی میں بھی عدالتوں اور آمریت کے فیصلے حقیقت کو جھٹلا نہیں سکے ،مسلم لیگ (ن )کو اس فیصلے کا آئندہ انتخابات میں بہت فائدہ ملے گا۔انہوں نے کہا کہ مسلم لیگ (ن )عدالتی فیصلے پر مکمل عمل کریگی ٗاب ہم عوامی عدالت سے رجوع کریں گے۔
وزیرقانون پنجاب نے کہا کہ نوازشریف سیاست میں ایک حقیقت کا نام ہے ٗماضی میں بھی عدالتوں اور آمریت کے فیصلے حقیقت کو جھٹلا نہیں سکے ۔انہوں نے واضح کیا کہ پارٹی نے احتجاج کی کال نہیں دی ،کسی کو احتجاج کرنا چاہیے نہ جشن منانا چاہیے ٗ( ن) لیگ اپنی سیاسی جدوجہد جاری رکھے گی۔
