اسلام آباد(مانیٹرنگ ڈیسک)وزیر داخلہ چوہدری نثار اور سپیکر قومی اسمبلی ایاز صادق وزیراعظم ہائوس پہنچ گئے۔ تفصیلات کے مطابق پانامہ فیصلے سے قبل وفاقی وزیر داخلہ چوہدری نثار اور سپیکر قومی اسمبلی ایاز صادق وزیراعظم ہائوس پہنچ گئے ہیں۔ دونوں کی ایک ساتھ وزیراعظم ہائوس آمد ہوئی ہے۔ واضح رہے کہ کل چوہدری نثار نے سیاسی معاملات اور پارٹی معاملات پر قیادت سے اختلافات بارے پریس کانفرنس کی تھی اور اس کے
بعد پنجاب ہاؤس سے اپنا ضروری سامان منتقل کرنا شروع کرتھا۔نجی ٹی وی سماء کےمطابق چوہدری نثار نے وزارت داخلہ کے اسٹاف سے ضروری ملاقاتیں کی ہیں۔ گذشتہ روز کی پریس کانفرنس میں چوہدری نثار نے بتایاتھاکہ ان کے لیے یہ سخت لمحہ تھا کہ وہ یہ پریس کانفرنس کررہے ہیں۔ چوہدری نثار نےکہاتھاکہ جو بھی فیصلہ آیا،وہ پانامہ کیس کے فیصلے کےبعد وزارت چھوڑ دیں گے اور سیاست سے کنارہ کشی اختیار کرلیں گے۔
