اسلام آباد (آئی این پی)وفاقی وزیر داخلہ چوہدری نثار علی خان نے کہا ہے کہ میں وزیراعظم سمیت کسی عہدے کا خواہشمند یا امیدوا ر نہیں ہوں،سازش میرے خون میں شامل نہیں عدالت کا فیصلہ حق میں آئے یا مخالفت میں، وزیراعظم سے ملنے جاؤنگا ۔جمعرات کو پنجاب ہاؤس میں پریس کانفرنس سے خطاب کرتے ہوئے وزیر داخلہ چوہدری نثار علی خان نے کہا کہ خدانخواستہ اگر فیصلہ خلاف آیا تو میں پھر بھی نواز شریف کو ملنے جاؤں گا،
میں واضح کرنا چاہتا ہوں کہ اگر فیصلہ خلاف آیا تو میں وزیراعظم بننے کا خواہشمند نہیں ہوں۔انہوں نے کہا کہ عزت عہدوں سے نہیں آتی کردار سے آتی ہے ۔انہوں نے کہاکہ انشا ء اللہ فیصلہ حکومت کے حق میں آئے گا اور میاں نوازشریف سرخرو ہونگے اور اگر خدانخواستہ سپریم کورٹ کا فیصلہ خلاف بھی آیا تو میں نوازشریف کے آگے چٹان کی طرح کھڑا ہوں گا
