اسلام آباد (مانیٹرنگ ڈیسک) صوبائی وزراءشہرام ترکئی اور عاطف خان کے وزیراعلیٰ پرویز خٹک کے ساتھ اختلافات کھل کر سامنے آگئے، ناراض رہنمائوں کو منانے کیلئے سپیکر خیبرپختونخوا اسمبلی اسد قیصر میدان میں آگئے۔ تفصیلات کے مطابق تحریک انصاف کے گڑھ خیبرپختونخواہ میں پارٹی میں دراڑیں پڑنے لگ گئی ہیں صوبائی وزراءشہرام ترکئی اور عاطف خان کے وزیراعلیٰ پرویز خٹک کے ساتھ بھرتیوں اور ترقیاتی فنڈز کے حوالے سےاختلافات سامنے آگئے ہیں جبکہ شہرام ترکئی
نے استعفیٰ کی دھمکی دیتے ہوئے ملائیشیا جانے کا ارادہ ظاہر کر دیا ہے۔ ناراض رہنمائوں کو منانے کیلئے سپیکر خیبرپختونخواہ اسمبلی اسد قیصر میدان میں آگئے ہیں اور انہوں نے ناراض رہنمائوں کو منانے کیلئے ان سے ملاقات کی ہے اور تحفظات دور کرنے کی یقین دہانی کروائی ہے۔ اسد قیصر نے وزیر تعلیم شہرام ترکئی سے رابطہ کیا ہے جبکہ صوبائی وزیر عاطف خان سے ملاقات کی ہے اور ان کے تحفظات سنے اور وزیراعلیٰ پرویز خٹک کے ساتھ معاملہ حل کرانے کی مکمل یقین دہانی کروائی ہے۔
