اسلام آباد(مانیٹرنگ ڈیسک)عمران خان کا جھوٹ پکڑا گیا، نمبر 2کیا ہوتا ہے سامنے لائیں گے، شیخ رشید کو 10ارب ہرجانے کا نوٹس دیا ہے ، الزامات عدالت میں ثابت کرنا ہونگے، بھاگنے نہیں دینگے، حنیف عباسی کی سپریم کورٹ کے باہر میڈیا سے گفتگو۔ تفصیلات کے مطابق ن لیگ کے رہنما حنیف عباسی نے سپریم کورٹ کے باہر میڈیا سے گفتگو کرتے ہوئے کہا ہے کہ
شیخ رشید نے الزام عائد کرتے ہوئے کہا ہے کہ ہم نے پانچ ججوں کو خریدنے کی کوشش کی جبکہ جے آئی ٹی کے افسران کو بھی آفر کی۔ ان کا کہنا تھا کہ اگر ایسی بات ہےتو آج عدلیہ آزاد ہے اور اس آزاد عدلیہ کیلئے ہم نے جدوجہد کی ہے ،وہ ازخود نوٹس لے۔ انہوںنے پی ٹی آئی چیئرمین عمران خان کو آڑے ہاتھوں لیتے ہوئے کہا کہ عمران خان کا جھوٹ پکڑا گیا ہے وہ قسم کھا کر کہیں کہ انہوں نے کبھی جوا نہیں کھیلا، نمبر 2کیا ہوتا ہے سامنے لائیں گے۔ انہوں نے عمران خان کو مخاطب کرتے ہوئے کہا کہ ہمارے بزرگ تمہارے بزرگوں سے کیا بات کریں ہمارے بزرگوں کی قبریں 10سال بعد جب کھولی گئیں تو ان کے کفن تک میلے نہیں تھے جبکہ تمہارے بزرگوں کے بارے میں کیا کچھ کہا جاتا ہے۔ انہوں نے وارننگ دیتے ہوئے کہا کہ عمران خان اچھے پیرائے میں سیاست کرو نہیں تو ہمیں بھی بتانا پڑے گا کہ تم کیا ہو۔ انہوں نے انتہائی سخت تنقید کرتے ہوئے کہا کہ عمران خان نہ تو امانت دار ہیں اور نہ ہی صادق ۔ واضح رہے کہ ن لیگ کے رہنما حنیف عباسی نے منشیات فروش اور دیگر الزامات پر شیخ رشید کو 10ارب ہرجانے کا نوٹس بھیجا ہوا ہے جبکہ عمران خان کی نا اہلی کیلئے بھی ان کی درخواست پر سماعت جاری ہے جبکہ جہانگیر ترین کی نا اہلی کیلئے بھی وہ عدالت میں موجود ہیں۔ دوسری جانب شیخ رشید نے اسلام آباد میں میڈیا سے گفتگو کرتے ہوئے کہا کہ انہوں نے مسلم لیگ (ن) کے رہنما حنیف عباسی کے بارے میں کچھ بھی غلط نہیں کہا، حنیف عباسی پر منشیات فروش ہونے کے الزام پر قائم ہوں، حنیف عباسی کی جانب سے بھیجا جانے والا نوٹس لال حویلی میں عدالتی اہلکار سے خود وصول کیا، 3 اگست کو عدالت میں پیش ہوکر ثابت کروں گا کہ حنیف عباسی منشیات فروش ہے۔خیال رہےکہ حنیف عباسی کی درخواست پر متعلقہ عدالت نے سماعت کرتے ہوئے شیخ رشید کو نوٹس جاری کرتے ہوئے انہیں 3 اگست کو عدالت میں پیش ہونے کا حکم دیاہے۔
