لاہور (آئی این پی) وزیراعظم کے معاون خصوصی آصف کرمانی نے کہا ہے کہ سپریم کورٹ تحقیقات کرے کہ جے آئی ٹی کو پرچیاں کہاں سے آتی ہیں، نواز شریف نے بطور وزیراعظم کبھی اقامہ پر سفر نہیں کیا، نواز شریف کسی عمران خان سے نہیں ڈرتے۔ بدھ کو نجی ٹی وی کے مطابق آصف کرمانی نے کہا کہ نواز شریف نے بطور وزیراعظم اقامہ پر سفر نہیں کیا،
نواز شریف کسی عمران خان سے نہیں ڈرتے، پانامہ معاملے پر مشورہ دیا تحقیقات کی ضرورت نہیں لیکن میاں صاحب نہ مانے،جے آئی ٹی میں ایسے لوگوں کو نہیں ہونا چاہیے تھا جن کا مالی معاملات سے تعلق نہ تھا، کیپٹن صفدر نے بتایا کہ جے آئی ٹی میں پیشی کے وقت کچھ پرچیاں آ رہی تھیں۔ انہوں نے کہا کہ پرچیاں کہاں سے آتی تھیں، ان پر کیا لکھا ہوتا تھا، سپریم کورٹ کو چاہیے کہ اس کی تحقیقات کرے۔
